Joana Lestonnacekoak berebiziko ilusioa zuen gazteria hezteko, ahalik eta gazte gehien hezteko, eta, irrika hark bultzatuta, bizkor hedatu zen Mariaren Lagundia Frantzian barrena eta, aurrerago, Espainian barrena.

1650ean, Lagundiaren sortzailea hil eta hamar urtera, Frantziako Béziers hiriko mojek Espainiako lehen komentu-eskola sortu zuten, Bartzelonan. «LA ENSEÑANZA»zeritzon –izen horrekin egin ziren ezagunak, bartzelonarren artean, ikastetxea nahiz hura kokatuta zegoen kalea–: denboran zehar iraun du ezizen horrek, eta neska gazteen heziketa integrala aldarrikatzen duen hezkuntza molde bat adierazten du, gaur egun.

Bartzelonako lekaimeek 1687an egin zuten beren lehen fundazioa, Tuteran; handik penintsulan barrena eta Iberoamerikara hedatu zen Mariaren Lagundia.

Mariaren Lagundiak misio hau du Espainian:«hezkuntzaren bidez ebanjelizatzea, fedearen zerbitzuan jardunez, justiziazko egintzak sortzeko».