Pastoraltzak biltzen ditu ikastetxeak Ebanjelioaren balioei jarraituz eraikitzen duen proiektu oro; hala, pertsonak Jesus Kristorekin topo egitea ahalbidetzen du, hazten laguntzen dio eta gizartean aritzeko eta haren eraldaketan laguntzeko prestatzen du. Pastoraltzako gure proposamenak, beraz, alderdi asko biltzen ditu bere baitan: barnetasuna, elkartasunaren zentzua, konpromisoa, solidaritatea, ospakizuna…Eta hori guztia hezkuntza esparruan eta proiektu komun baten bidez bizitzeko deia sentitzen duen orori irekita dago.

Hauek dira pastoraltzaren oinarri nagusiak:

• Pertsona, hezkuntzaren ardatza.
• Komunitatea, bizikidetza eta harremanetarako espazioa.
• Ikasleei lagun egitea; banakako nahiz taldekako laguntza.
• Bereizmena eta barnetasuna.

 

Eskola eremuan, hainbat eskaintza eta proposamen zehatz ditugu, agerian uzten dutenak joera kristauko ikastetxeak garela.

Ikasleei begirako ekintzak:

• Erlijio irakaskuntza, eskolan.
• Ospakizunak.
• Trebakuntza humano-kristauko jardunaldiak (Jardunaldi Kristauak).
• Tutoretza jarduera.
• Solidaritatea eta Garapenerako Hezkuntza.
• Barnetasuna lantzea.

 

Bestalde, eskolaz kanpoko eremuan borondatezko partaidetza lantzen dugu, fedean hazten laguntzeko espazio osagarri eta ezin egokiagoa den heinean. Hauxe da esparru horretarako gure eskaintza:

• Sakramentuak prestatzea eta ospatzea.
• Boluntariotza.
• Lestonnac taldeak.
• Arteak, Humanismoa eta Espiritualtasuna (AHE).
• Mariaren Lagundiaren Sare Laikala.